في بيتنا جوجو

هذا بوست ساخر غير هادف لا يوجد به اى معلومه مفيده

انتشر في بيتنا مؤخرا ما يدعي "جوجو" و هو شئ أو شخص ما تنادي عليه احدي افراد عائلتنا متمتمه له ببعض الكلام من لغه اخري غير مفهومه. بعض الاحيان يصدر هاتفها صوت مزعج بعد عده دقائق ليعلن لها عن شئ ما لم نكتشف ما هو بعد! لم يقتصر الموضوع علي ذلك فحسب بل تنادي عليه في الشارع ثم تضع الهاتف علي اذنها و تتحدث الي احد! من ذلك المدعو "جوجو"؟ و المثير اللريبه ان بعض الاحيان يرد عليها صوت من مكان ما لم نكتشفه بعد ايضا. احيانا يكون صوت امرأه و اخري يكون رجل. و ما يرعبني بعض الأحيان اني اسمع أصواتا تصدر من غرفتها ليلا. لا أعلم إن كان ذلك نفس "جوجو" أم هو شئ آخر.

هل تعرفت علي "جوجو" بعد؟

خليني أنا أقولك مين"جوجو" . دا يا سيدي جاسوس و متطفل البيت الي معايا بقاله فتره و اعتقد مع ناس كتير 😂😂 دا google assistant. أوقات كتير بيكون أسهل إني اطلب منه يشغل timer أو يتصل بحد لو ايدي مشغوله أو مش شايفه كويس أو حتي يعلي الإضائه, يفتح application معين أو يعمل تذكره او منبه بميعاد معين، هو أساسا معمول لكدا، لكن طرائف جوجل عامه معايا لذيذه. بما إني بحب اكتب عن مواضيع و أماكن مختلفه و بدور في حاجات كتير, فبلاقي حاجات بتطلعلي لذيذه جدا برا وقت البحث في الnews او علي هيئه ads،  زي مثلا,,,

جوجو: إلا بقولك ايه يا واد يا بندق كان فيه مقابله مع ممثلين the vampire diaries حلوه, شوفتها؟

انا: لا بس ايه الي فكرك بالمسلسل دا, انا بقالي فتره مشوفاهوش🤷‍♀️

جوجو: مشوفتهوش ازاي؟؟ مش انت عملت لايك علي صوره xx في صفحه xx علي ممثلين المسلسل امبارح؟

انا: انا هكتب عن رحلتي للمالديف🌊.

بعد ما خلصت كتابه و بحث بيومين تلاته و لمده شهر بعدها...

جوجو: احسن سعر لرحلات المالديف، بص كدا👀.

نفس جوجو: إلا بوقلك يا بندق، مش المالديف فتحت تاني زيارات و رحلات وآمنه من كورونا.

انا: 🙄

انا كنت بتكلم عن طقم صيني مع صاحبتي و بعتلها صوره او اتنين.

جوجو بعدها بشويه ... اربعتاشر الف اعلان من سوق دوت كوم علي اطقم الصيني.

انا نفسي في مكنه قهوه☕.

جوجو: عشرين الف اعلان عن مكن القهوه المختلف.

انا اشتريت مكنه قهوه جديده حالا و لسه فرحانه بالعلبه المقفوله.💃💃

جوجو: شوف مكنه القهوة دي كدا و شوف سعرها.

انا: دي بتاعتي الي انا لسه شرياها.

جوجو: لا دي ارخص، انت اضحك عليك.

انا: انت عرفت مين اني اشتريت المكنه دي بالماركه دي؟؟

جوجو: لا بقي دي اراء🤷‍♀️.

جوجو: الا بوقلك ايه انا عندي ليك حتته شنطه تجنن من موقع xx.

انا: وريني كدا، ايه دا، دي الشنطه الي اختي كانت بتتفرج عليها انت لقيتها ازاي!!

جوجو: عيب عليك. و مش بس كدا، كان فيه المساحه الي انت هتفكر فيها الشهر الي جي علشان انا عارف انك هتحتاجها👼.

انا: بس انا مدورتش علي مساحات خالص ولا عاوز!

جوجو: يا عم انا ادري،،، شوفها بس.

انا: جوجو انا زهقان، متعرفش افلام جديده حلو؟

جوجو: فيه فيلم من ايام 1770 يمشي معاك؟

انا: يا عم انا بقولك افلام جديده🤨.

بعد كام ساعه حد بعتلي فيلم حلو جديد فقررت انزله...

جوجو: الا بقولك ايه يا بندق، مش انت كنت عاوز افلام جديده، خد لقيتلك دا.

انا: جوجو دا الي انا لسه منزله!

جوجو: اه مهو جديد، علشان تعرف اني مش حارمك من حاجا😁.

انا كنت بره و فاتح النت.

جوجو بعد ما رجعت: قيم تجربتك في سان ستيفانو.

انا: مين؟؟ محصلش!!

جوجو: يا ابني بقولك قيم.

انا: اقيم ايه بس، انا مكنتش هناك النهاردة!

جوجو: لا كنت، مش وقفت في الاشاره لما كنت راكب؟

انا:😶😶😶😶 انت عرفت فين؟

جوجو: قيم بقي🤷‍♀️.

جوجو: بقولك ايه، شوف كدا المناظره بتاعه مرشحي الرئاسيه لأمريكا كدا.

انا: بس انا مصري، مالي و مالهم و بعدين انا ماليش في السياسه🤐.

جوجو: لا ازاي مش كنت لسه متفرج علي فيديو تريقه علي المناظره الي كانت بين المرشحين من ٣ ايام فاتوا الساعه٢ بليل؟؟

نفس جوجو: طب بلاش دا, عندي شويه اخبار تانيه عن الانتخابات في امريكا برضو.

انا: 😒😒.